المساهمات : 157 تاريخ التسجيل : 06/11/2014 العمر : 57
موضوع: دجاج محمر مع زيتون البلدي من مطبخي مرحبا بيكم الأحد ديسمبر 14, 2014 1:46 pm
دجاج محمر مع زيتون البلدي من مطبخي مرحبا بيكم
نحتاج 2 دجاجات منقيين ومغسولين بالملح والحامض وقليل من الخل من بعد نخليهم ليلة كاملة يتسقطرو ناخد تومة بزايد ندقها في المهراز مع الملح بحساب الدوق للي غنطيب بيه حينت مغنزيدش من بعد الملح ندقها مزيان تتولي پوماد من بعد ناخد الدجاج نتقبو بالقطيب وندهن بالتومة الدجاج من الداخل ومن برا ومن تحت الجلد ونخليه مرقد واحد ساعتين من بعد ناخد بانيو ندير فيه واحد بصلة كبيرة مشلظة رقيق نزيد عليها بزار خرقوم بلدي سكينجبير قرفة ملون سمن الحار معدنوس مقطع لب الحامض مصيير
نفرك بيه البصل مزيان من بعد نعمر بيه الدجاج من برا والداخل ومبين الجلدة واللحم ونخليه يرقاد واحد ساعة
من بعد ندير في الطنجرة لي غنطيب فيها زيت بلدية ورومية بزار سكينجبير خرقوم بلدي ملون قرفة سمن نخلط مزيان العطرية وندوز فيها الدجاج من بعد نمرق واحد نص كاس ديال الماء
لما نحسو بالصدر دخلو الطياب نقلبو الدجاج ونعاود نتقبو ونهز من المرق ونسقيه بيه
من بعد ناخد شوية القرفة ندررها فوق الدجاج نحيد غطا ديال الطنجرة ونخلوه يتجمر ويوكح من المرق
من بعد نهزو ندهنو بقليل من الموطارد والسمن الحار وندخلو للفران يتحمر
من بعد مسلقنا الزيتون المرة الاولى نعاود نسلقو المرة تانية مع طرف ديال الحامض مصير ونصفيه ونضيفو للمرق ديال الدجاج ونخليه يشرب النسمة ديالو
